ပြီးမြောက် အောင်မြင် ဝမ်းသာဂုဏ်ယူ ပြုံးပျှော်ရွှင်

Posted on December 21, 2010 by admin

ဒီဇင်ဘာ ၁၉ရက် တနင်္ဂနွေနေ့ ညနေက ကျင်းပပြုလုပ်ခဲ့သော စာပေဟောပြောပွဲနှင့် မြန်မာ့ရိုးရာ ယဉ်ကျေးမှုပဒေသာ ကပွဲကို လန်ဒန်မြို့တွင် စနေနေ့က ထူထဲစွာ ကြခဲ့သော နှင်းခဲပြင်များရဲ့ အအေးးဏ်ကို ကြံ့ကြံ့ခံရင်း မြန်မာစာပေနှင့်မြန်မာ့ ယဉ်ကျေးမှုများကို အစဉ်လေးစား ကြွရောက်ကူညီ အားပေးကြသဖြင့် တင်ဆက်ကပြ ဖျော်ဖြေကြသူများနှင့် ကြွရောက်အားပေး ကြသူတို့ပါ အပြုံးပန်တွေကိုယ်စီ ဝေကြလျှက် နိုင်ခံခြားတွင် တွေ့မြင်ရခဲသော မြန်မာယဉ်ကျေးမှု ပဒေသာ အကများနှင့် မြန်မာရိုးရာ အစားအစာများကို တပျော်တပါး အားပေး ခဲ့ကြသည်။ ကုသိုလ်လည်းရ ဝမ်းလည်းဝတာမို့ မြန်မာတို့တတွေ အတွက်ဂုဏ်ယူ မဆုံးပျော်တပြုံးပြုံး ဖြစ်ခဲ့ရသော ဤလို ယဉ်ကျေးမှုပွဲမျိုး မကြာ ခဏ တင်ဆက်ဖို့ရန်လည်း တောင်းဆိုကြသည်။ မြန်မာ့ရိုးရာ ယဉ်ကျေးမှုကို တွေ့မြင်ကြည့်ရှု ခဲ့ကြသော မြန်မာ ကလေးများကပင် မြန်မာလို ပြော မြန်မာလိုစား မြန်မာလို ကတတ်ချင်လာကြသည်မှာ ထိုပွဲ၏ ထူးခြာချက်များဖြစ်၍ စီစဉ်ရသူများအဖို့လည်း ဝမ်းသာပီတိ ရွှင်လန်းအားရ နှစ်သက် ကျေ နပ်မိ ကြပါ သည်။

အကတွေကလည်းကောင်း အဆိုတွေကိုလည်း လက်ခုတ်ဖြောင်းဖြောင်း တီးခတ်ပြီးး မြိန်ယှက်စွာ စားသောက် အားပေးခဲ့ကြတဲ့ အလှူရှင်များ ကြောင့် အလှူငွေတွေလည်း မှန်းထားသည်ထက် ပို၍ရခဲ့ပါသည်။ တဖက်တလမ်းမှ ပွဲဖြစ်မြောက်ရေးအတွက် အလှူငွေ ထောက်ပံ့ကူညီ ပေးခဲ့သော LSC ( London School of Commerce ) အားလည်းကောင်း ၊ ပွဲ ဖြစ်မြောက်ရေး အတွက် အဆိုအကများနှင့်ဖျော်ဖြေရေး အစားအစာများနှင့် ချက်ပြုတ်ရေး ၊ ဈေးဝယ် ဈေးရောင်း ၊ သန့်ရှင်းရေး ၊ မော်တော်ကား မှစ၍ အဖက်ဖက်မှ ကူညီဆောင်ရွက် လုပ်ကိုင် အားပေးခဲ့ကြသော လူငယ် မောင်မယ်များ အလှူရှင်များအားလည်းကောင်း ၊ ဝေယျာဝစ္စ အဝဝကို ဆောင်ရွက်ပေးခဲ့ကြသော BYA အဖွဲ့ဝင်များအားလည်းကောင်း ကြွရောက်အားပေး လှူဒါန်းကြသော အလှူရှင်များအားလည်ကောင်း ပွဲဖြစ်မြောက်ရေး မြန်မာလူငယ်များ ကိုယ်စား သာသနရံသီ ဝိဟာရ ကျေးဇူးတင် မှတ်တမ်း တင်အပ်ပါသည်။

Posted in သတင်း | 2 Comments

သာသနရံသီ ဝိဟာရ ရံပုံငွေအလှူ ယဉ်ကျေးမှုပဒေသာကပွဲနှင့်စာပေဟောပြောပွဲ

Posted on November 24, 2010 by admin
လန်ဒန်မြို့ရဲ့သာသနရံသီဝိဟာရ ကောလင်းဒေး မြန်မာ ဘုန်းကြီး ကျောင်းရဲ့ ကျောင်းသစ်ဖြစ်မြောက်ရေး ရံပုံငွေ ပွဲအဖြစ် သာသနရံသီ ဝိဟာရ ဘုန်းကြီးကျောင်းရဲ့ ဦးဆောင်ညွှန်ကြားမှု့ဖြင့် လန်ဒန်မြို့ ရောက် မြန်မာ လူငယ်များအားလုံး စုပေါင်းလုပ်ဆောင်တဲ့ မြန်မာ့ ရိုးရာ အနုပညာသုခုမ ယဉ်ကျေးမှု့ပဒေသာကပွဲနှင့် စာပေ ဟောပြော ပွဲကို အောက်ပါအစီအစဉ်အတိုင်း စည်ကား သိုက်မြိုက်စွာ ကျင်းပပြုလုပ်မှာဖြစ်ကြောင်း သတင်း ကောင်း ပါးအပ်ပါတယ်။

မြန်မာ့ရိုးရာ အနုပညာကို မြတ်နိုးကြသူတိုင်း …ယဉ်ကျေးမှု့

ပဒေသာကပွဲနှင့် စာပေဟောပြောပွဲကို ကြည့်ရှု့ခံစားရင်း မြန်မာ့ရိုးရာအစားအသောက်များကိုလည်းစုံလင်စွာ ရောင်းချပေးသွားမှာဖြစ်တဲ့အတွက် ကုသိုလ်လည်းရ၊ ဝမ်းလဲဝ၊ မျက်စိပသာဒလဲဖြစ်၊ စိတ်အပန်းလည်း ပြေစေမှာ မို့ ကြုံတောင့်ကြုံခဲ အခွင့်အရေးကို မလွတ်တမ်း အားပေး ကြည့်ရှုပါရန် လေးစားစွာ ဖိတ်ကြားအပ်ပါတယ်။

It’s about time to shine. We would like to invite you to our Burmese traditional cultural variety entertainment & Literary talk in London.

Please kindly Come & Enjoy a fun evening of entertainment, Burmese traditional cultural variety show featuring music, dance, colourful traditional Cabaret costumes, song, comedy and mini Cabaret distinguished performances mainly by London based Burmese generation.

This variety show is fundraising special events for Colindale Monastery, London.

As well as after the variety entertainment, we will sale delicious Burmese traditional foods featuring a several of classic Burmese savoury and sweet dishes together with drinks.

####################################

Our Programme as follow:

Date: 19 December 2010

Time: Door opening >>> 16:00PM

Show starts >>> 17:30PM : 19:00PM

Interval

2nd part starts >>> 19:30PM : 21:00PM

Show end

Foods sale >>> 16:00PM : 22:00PM

Programme end

####################################

Tickets: Adults: £8 (Two for £15)
Free entry for 10 yrs or younger
(Note: The price excludes foods and beverages)

For enquiries or to reserve tickets in advance please call:

02082050221 ( Sasana Ramsi Vihara )
07908815880 (Nge Nge)
07912499738 ( Saw Yan Naing )
07723344933 ( Ma Nilar )
Venue: St. Agnes Center, Gillingham Road, Cricklewood, NW2 1RL

Click here for map

Travel Advice to St. Agnes Center

to St Agnes centre, Gillingham Road, Cricklewood

Train ->> Cricklewood train station – after station exit turn right towards golders green and third left.

Tube ->> from kilburn station take Bus 32, 332, 16, 316, 189 and get off in second bus stop.

5 min walk to gillingham Road along cricklewood lane.

Bus ->> one bus stop from cricklewood lane by 245, 260, 460 towards golders green
Posted in ဖိတ်ကြားခြင်း | 113 Comments

မသိုးကြာသင်္ကန်း ဆီမီးတထိန်ထိန်ဖြင့် ကပ်လှူပူဇော် အောင်မြင်ပြီးဆုံး

Posted on November 22, 2010 by admin

နိုဝင်ဘာ ၇ ရက် ၂၀၁၀နေ့ ညနေ ၄ နာရီမှစ၍ တန်ဆောင်တိုင်မီးထွန်းပွဲတော်နှင့် မသိုးကြာင်္သန်းကပ်လှူပူဇော်ပွဲကို ကြွရောက်လာကြသော ဧည့်ပရိတ်တို့အား ကိုမင်းရဲကျော်+နန်းချိုမူအေးတို့မှ ကြာဇံကျော် + ရွှေရင်အေးတို့ဖြင့်ကျွေးမွေးဧည့်ခံကြပြီးနောက် ညနေ ၅ နာရီခွဲမှစ၍ သိဒ္ဓတ္ထမင်းသာ၏ ဆံပင်များကို ဌပနာထားသော တာဝတိံသာနတ်ပြည်ရှိ စူဠာမဏိစေတီတော်နှင့် ကာသိတိုင်းဖြစ်ဝတ်လဲတော် များကို ဌပနာထားသည့် သုဒ္ဓါဝါသ အကနိဋ္ဌဗြဟ္မာဘုံ၌ရှိသော ဒုဿစေတီကို ဆီမီးရောင်ရှိန်ထိန်ဝါဝင်းစွာဖြင့်ပူဇော်ကြပြီးလျှင် မဟာဇယသုခ အောင်မြင်ချမ်းသာ မြတ်စွာ ဘုရားကြီးအား မသိုး ကြာသင်္ကန်းက်လှူ၍ ဆီမီးများဖြင့်ပူဇော် ကန်တော့ကြသည်။ ၄င်းနောက် ဆရာတော်ဦးဥတ္တရမှ မသိုးသင်္ကန်း ကပ်လှူ ပူဇော်ရခြင်း အကြောင်းဖြစ်ပေါ်လာပုံကို ဗုဒ္ဓဝင်ဇာတ်တော်လာ တရားဟောကြားပြီး ဒေါ်အောင်ဆန်းစုကြည်နှင့် မြန်မာပြည်သူပြည်သားအားလုံး ၊ ကမ္ဘာသူကမ္ဘာသားအားလုံးကျန်းမာကြစေရန် မေတ္တာများပို့ကြပြီးနောက် ရေစက်ချ အမျှပေးဝေကြပါသည်။ ကြားကြ မြင်ကြသူအပေါင်း သာဓုခေါ်နိုင်ကြပါစေသော်

Posted in သတင်း | 82 Comments

မသိုးသင်္ကန်းကပ်လှူပူဇော်ပွဲနှင့်တန်ဆောင်မုန်း တန်ဆောင်တိုင် ဆီမီးကမြိုင်

Posted on November 8, 2010 by admin

လာမည့် ၂၁ရက် နိုဝင်ဘာလ ၂၀၁၀နေ့ ညနေ (၄)နာရီမှစ၍ တန်ဆောင်မုန်းလပြည့်နေ့ အထိမ်းအမှတ်အဖြစ် လန်ဒန်မြို့ သာသနရံသီ ဝိဟာရ တွင် သီတင်းသုံးစံပါယ်တော်မူသော မဟာဇေယျသုခ အောင်မြင်ချမ်းသာမြတ်စွာဘုရားကြီးအား မသိုးကြာသင်္ကန်း ဆက်ကပ်လှူဒါန်း ပူဇော် ကြပြီး ဆီမီးမျာထွန်းညှိပူဇော်ကြပါမည်။ ကြွရောက်လာကြသော ဧည့်ပရိတ်သတ်တို့အား ကိုမင်းရဲကျော်+နန်းချိုမူအေး တို့မှ  ကြာဖံကျော်ဖြင့် ကျွေးမွေး ဧည့်ခံပါမည်ဖြစ်၍ ဓမ္မမိတ်ဆွေအပေါင်းသူတော်ကောင်းတို့ အား ကြွရောက်ကုသိုလ်ယူကြပါရန် လေးစားစွာဖိတ်ကြားအပ်ပါသည်။

မေတ္တာဖြင့်

သာသနရံသီ ဝီဟာရ

Posted in ဖိတ်ကြားခြင်း | 46 Comments

စုပေါင်းဘုံကထိန် သင်္ကန်းကပ်လှူပွဲ အောင်မြင်ပြီးဆုံး ဝမ်းမြောက်အနုမော် သာဓုခေါ်

Posted on November 8, 2010 by admin
သာသနရံသီ ၀ိဟာရ ဂေါပကအဖွဲ့မှ ဦးဆောင်၍ စုပေါင်းဘုံကထိန် အလှူတော် ကထိနမင်္ဂလာကို ( ၇ ၊ ၁၁ ၊ ၂၀၁၀) တနင်္ဂနွေနေ့တွင်   သာသနရံသီ ဝိဟာရ 83 Booth Road  ဆင်ယင်ကျင်းပခဲ့ပြီး သာသနရံသီဝိဟာရတွင် သီတင်းသုံးတော်မူသည့် ပုရိမ၀ါမှ ထမြောက်တော်မူကြသော သံဃာတော် အရှင်မြတ် (၃) ပါးနှင့် ပင့်သံဃာ (၇)ပါး အပါအ၀င် သံဃာတော် အရှင်သူမြတ် (၁၀) ပါးတို့အား ကထိန်လျာ သင်္ကန်းနှင့်  အခြားသောလှူဒါန်းဖွယ်ရာ များကိုး လှူဒါန်းခဲ့ပြီးလျှင် သံဃာတော် အရှင်မြတ်တို့ထံမှ ကထိန်အနုမောဒနာ တရားဒေသနာကို နာကြားခဲ့ကြပါသည်။ ညနေ (၄)နာရီတွင် အခမ်း အနားကိုအောင်မြင်စွာရုပ်သိမ်းခဲ့ပါသည်။ စုပေါင်းဆွမ်းအလှူရှင်များအားလည်းကောင်း ကထိန်သင်္ကန်းအလှူရှင်များအားလည်းကောင်း ယခုနှစ်တွင် ကထိန်သင်္ကန်းကပ်လှူပွဲသို့ကြွရောက်လာကြသောဧည့်ပရိသတ်အားလုံးတို့အား ဒန်ပေါက်ဆွမ်း ၊ ထမင်းတို့ဖြင့်ကျွေးမွေးဧည့်ခံ လှူဒါန်းခဲကြသော အလှူရှင် ကိုမြင့်နိုင် ကိုညီညီမိုး+ မတင့်တင့်အောင်၊ ဒေါက်တာစန်းစန်းနှင့် မောင်ဘိုဘိုပိုင် တို့အားလည်းကောင်း သန့်ရှင်းရေးမှအစ ဝေယျာဝစ္စကုသိုလ်အဝဝကို ပြုလုပ်ပေးခဲ့ကြသော သာသနရံသီ ဒကာ ဒကာမ ကြီးငယ် အားလုံးတို့အားလည်း သာသနရံသီ ဆရာတော်များ , သာသနရံသီ ဂေါပက အဖွဲ့နှင့် ပုညသဟာယ အသင်းသူအသင်းများက လှိုက်လှဲစွာ ကျေးဇူးတင် မှတ်တမ်းတင်အပ်ပါသည်။ အားလုံးဝမ်းမြောက်အနုမော် သာဓ့ခေါ်နိုင်ကြစေသတည်း။
Posted in သတင်း | 129 Comments

လှူကထိန် သင်္ကန်နှင့် မဂ်လမ်းကိုရွယ်

Posted on October 1, 2010 by admin
ဓမ္မမိတ်ဆွေအပေါင်းတို့ ခင်ဗျား …
သာသနရံသီ ၀ိဟာရ ဂေါပကအဖွဲ့မှ ဦးဆောင်၍ စုပေါင်းဘုံကထိန် အလှူတော် ကထိနမင်္ဂလာကို ( ၇ ၊ ၁၁ ၊ ၂၀၁၀) တနင်္ဂနွေနေ့တွင်   သာသနရံသီ ဝိဟာရ 83 Booth Road  ဆင်ယင်ကျင်းပမည်ဖြစ်ရာ သာသနရံသီဝိဟာရတွင် သီတင်းသုံးတော်မူသည့် ပုရိမ၀ါမှ ထမြောက်တော်မူကြသော သံဃာတော် အရှင်မြတ် (၃) ပါးနှင့် ပင့်သံဃာ (၇)ပါး အပါအ၀င် သံဃာတော် အရှင်သူမြတ် (၁၀) ပါးတို့အား ကထိန်လျာ သင်္ကန်းနှင့်  အခြားသော  လှူဒါန်းဖွယ်ရာများကို ဘုရားရှင်နှင့် တကွ ပရမတ္ထသံဃာ အရိယာရှစ်မည် ပုဂ္ဂိုလ်ထေရ်  စိတ်ရည်ထောက်ရှု အာရုံပြု၍ စေတနာထက်သန်စွာဖြင့်  နိဗ္ဗာန်ရည်မှန်း လှူဒါန်းပြီးလျှင် သံဃာတော် အရှင်မြတ်တို့ထံမှ ကထိန်အနုမောဒနာ တရားဒေသနာကို ဓမ္မမိတ်ဆွေများနှင့် အတူတကွ နာယူလိုပါသည်ဖြစ်၍ ကြွရောက်ကြပါရန် လေးစားစွာ ဖိတ်ကြားအပ်ပါသည်။
ကထိန်သင်္ကန်းနှင့်တကွ မိမိတို့ လှူဒါန်းလိုသော အခြားလှူဖွယ် ပစ္စည်းများကိုလည်း ပဒေသာပင် သီးရန်အတွက် ကြိုတင်၍ လှူဒါန်းနိုင်ကြပြီး ကထိန်သင်္ကန်း တစ်စုံလျှင် ပေါင်စတာလင် ၃၅ နှုန်းဖြင့် သာသနရံသီဝိဟာရ (ဖုန်း – ၀၂၀ ၈၂၀၅၀၂၂၁) သို့ ဆက်သွယ် မေးမြန်း လှူဒါန်းနိုင်ကြပါသည်။ဖိတ်စာအသေးစိတ်ကို ဒီနေရာမှာ ကြည့်ရှု့နိုင်ပါတယ်။

မေတ္တာဖြင့်

သာသနရံသီဂေါပကအဖွဲ့နှင့် ပုညသဟာယအသင်း

Posted in ဖိတ်ကြားခြင်း | Comments Off

ကျန်းမာ ပျှော်ရွှင် နည်းသစ်ထွင် သင်တန်း အောင်မြင်စွာပြီးဆုံး

Posted on September 30, 2010 by admin

ကျန်မာရေး အတွက် အထူးလေ့ကျင့်ခဏ်း သင်တန်းကို  စက်တင်ဘာ ၂၁ ရက်နေ့က ကျင်းပခဲ့ရာ တက်ရောက်လေ့လာသူများအားလုံး  ပျှော်ရ စွာဖြင့် ကျန်းမာရေးလေ့ကျင့်ခဏ်းကို လေ့ကျင့် အားပေးခဲ့ကြသည့် အပြင် နောက်နောင်ကိုလည်း အခုလိုသင်တန်းမျိုး ထပ်မံတက်ရောက်လိုကြကြောင်း နှင့်  ကျယ်ကျယ်ပြန့်ပြန့် ဖြစ်အောင် ဆောင်ရွက်ပေးဖို့လိုအပ်ကြောင်း အကြံကောင်းများပေးသွားခဲ့ကြသည်။

Posted in သတင်း | Comments Off

ကျန်းမာ ပျှော်ရွှင် နည်းသစ်ထွင်

Posted on September 14, 2010 by admin

လာမည့် ကြာသာပတေး ( ၁၆ ၊ ၀၉ ၊ ၂၀၁၀ ) နေ့တွင် နေ.လည် (၁၂ )နာရီမှ နေ့လည် ( ၂ ) နာရီအထိ သာသနရံသီ ဝိဟာရ တွင်  ကျန်မာရေး ပညာပေး လေ့ကျင့်ခဏ်း အထူးသင်တန်းကို တရုပ် ဆေးပညာနှင့် ပန်းချီဆရာကြီးက ဗုဒ္ဓ၏ တရားတော်များနှင့်အညီ ပြသပေးပါမည်။

Posted in ဖိတ်ကြားခြင်း | Leave a comment

နွေရာသီ ယဉ်ကျေးမှုနှင့်ဗုဒ္ဓဘာသာ အခြေခံသင်တန်းအောင်မြင်ပြီးစီး

Posted on August 28, 2010 by admin

၁၅၊၈၊၂၀၁၀ နေ့မှစတင်ပြီး  နေ့လည် (၂)နာရီမှ (၄)နာရီအထိ ကလေးသူငယ်များအတွက် အရွယ်အလိုက်    မြန်မာစာနှင့် အခြေခံ ဗုဒ္ဓဘာသာယဉ်ကျေးမှုသင်တန်းကို ၂၁ ။၈။ ၂၀၁၀နေ့တွင် အောင်မြင်စွာ ပြီးစီးခဲ့ပြီးပါသည်။ ယင်းသင်တန်းဆင်းပွဲတွင် ဆရာတော်များနှင့် မိဘများမှ သင်တန်း၏အကျိုး သက်ရောက်မှုများကို ဝမ်းမြောက် ဝမ်းသာစွာ အသီးသီးပြောကြပြီးနောက် သင်တန်းဆင်း ဂုဏ်ပြုလက်မှတ်များကို  အမှတ်တရပေးအပ်ကာ အခမ်း အနားကို ရုပ်သိမ်းခဲ့ပါသည်။ နောင်နှစ်နွေရာသီ ကျောင်းပိတ်ရက်များတွင်လည်းအနည်းဆုံး (၂ ) ၀တ်အထိ သင်တန်များဖွင့်လှစ် သွားမည်ဖြစ်ပါသည်။ နွေရာသီသင်တန်းမှအပ အပတ်စဉ် တနင်္ဂနွေနေ့တိုင်း နေ့လည်(၂)နာရီမှ (၄)နာရီအထိ ပုံမှန် ဆက်လက်သင်ကြား ပေးသွားမည်ဖြစ်ပါသည်။

မှတ်တမ်းဓာတ်ပုံများ

Posted in ဓာတ်ပုံများ, သတင်း | Tagged | Comments Off

အခြေခံ ပါဠိစာဖတ်နည်းသင်တန်း နှင့် ကလေးသူငယ်များအတွက် မြန်မာစာနှင့် အခြေခံ ဗုဒ္ဓဘာသာယဉ်ကျေးမှုသင်တန်း ဖွင့်လှစ်မည်

Posted on August 10, 2010 by admin

သာသနရံသီဆရာတော်  ဦးဥတ္တရ ဦးဆောင်သင်ကြားမည့် အခြေခံ ပါဠိစာဖတ်နည်းသင်တန်းကို  ၁၅၊၈၊၂၀၁၀ တနင်္ဂနွေနေ့  ညနေ ( ၅ ) နာရီမှ ( ၇) နာရီအထိ အပတ်စဉ် ၃ ပတ်   စတင်ပို့ချသွားမည်ဖြစ်ပါသောကြောင့် တက်ရောက်လိုသူများ ကြိုတင်ဆက်သွယ်  စာရင်းပေးသွင်းနိုင်ကြပါပြီ ။

ကလေးသူငယ်များအတွက် မြန်မာစာနှင့် အခြေခံ ဗုဒ္ဓဘာသာယဉ်ကျေးမှုသင်တန်းကို အရွယ်အလိုက် ၁၅၊၈၊၂၀၁၀ နေ့မှစတင်ပြီး  နေ့လည် (၂)နာရီမှ (၄)နာရီအထိ ကျောင်းပိတ်ရက်အတွင်း နေ့စဉ် ဆရာတော်များက သင်တန်းပို့ချပေးမည်ဖြစ်ပါသည်။ အသေးစိတ်သိရှိလိုပါက သာသနရံသီ ဆရာတော်များထံ ဆက်သွယ်လျှောက်ထားနိုင်ပါသည်။
Ph: 02082050221
Posted in သတင်း | Tagged , | Leave a comment