နှစ်သစ်ဆုတောင်းပွဲ အောင်မြင်စွာ ကျင်းပပြီးစီး

Written on January 2nd, 2010 by admin

ဓာတ်ပုံများ ဆက်လက်ကြည့်ရှုရန်

နှစ်သစ်မှာ စိတ်၏ချမ်းသာခြင်း ကိုယ်၏ကျန်းမာခြင်းတို့နှင့် ပြည့်စုံကြပါစေကြောင်း သာသနရံသီ ဆရာတော်များနှင့် တပည့်ဒါယိကာ ဒါယိကာမများမှ နှစ်သစ်ဆုမွန်ကောင်း တောင်းလိုက်ရပါတယ်။

ထို့အတူ သာသနရံသီဝိဟာရတွင် ယမန်နေ့ (၁.၁.၂၀၁၀) က နှစ်သစ်ဆုတောင်းပွဲကို အောင်မြင်စွာ ကျင်းပပြီးစီးခဲ့ပါတယ်။ အခမ်းအနားကို ညနေ ၄ နာရီခန့်တွင် စတင်ကျင်းပပြီး ဆရာတော်များနှင့်အတူ နှစ်သစ်အတွက် ပဌာန်းတရားတော်များကို တပည့်ဒါယိကာ ဒါယိကာမများနှင့်တကွ ရွတ်ဖတ်ပူဇော်ပြီး နှစ်သစ်မှာ ကမ္ဘာသူ ကမ္ဘာသား မြန်မာပြည်သူပြည်သားအပေါင်းနှင့်တကွ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအားလုံး ကျန်းမာချမ်းသာပြီး ဘေးရန်ကင်းပါစေကြောင်း အတူတကွ ဆုတောင်းမေတ္တာပို့သခဲ့ပါတယ်။

ဆုတောင်းပွဲ ကြွရောက်လာသည့် ဧည့်ပရိသတ်များကို ဒေါက်တာဝင်းထွဋ် + မမေလှမောင်နှင့် သား ကိုပေါက်တို့မှ ကြာဇံဟင်းခါးဖြင့် တည်ခင်းဧည့်ခံခဲ့ပြီး အခမ်းအနားကို ညနေ ၇ နာရီခန့်တွင် အောင်မြင်စွာကျင်းပပြီးစီးခဲ့ပါတယ်။